Haci ehercicio durante e oranan mas fresco. Planea bo ehercicio tempran mainta of mas laat den oranan di anochi, ora temperatura ta mas abou. Esaki por reduci riesgo di haya “Heat Stroke”.

Scoge e localidad corecto. Considera actividadnan den cas cu ventilacion of airco of busca lugarnan den sombra.

​

Bisti paña apropia; paña liviano, los y proteha bo mes contra solo cu un sombre of pechi y uza sunblock.

Mantene bo mes hidrata. Bebe hopi awa: cuminsa bo actividad bon hidrata y bebe awa regularmente durante tur movimiento. Evita bebida cu hopi sucu of cafeina, paso nan por causa deshidratacion.

​

Cuida bo curpa: Keda alerta pa sintoma di heat stroke manera marea, nausea, dolor di cabes, e sintimento di cay flauw. Para y move inmediatamente si bo sinti e sintomanan aki.

Ahusta bo tempo: Baha e intensidad di bo workout y tuma mas pauze.

Uza metodo pa keda fresco: uza un serbete muha of “coolpads” y aplica esaki na bo cara, patras di bo nek y pols durante di pauze.

​

Proteha bo cuero: Uza un sunblock cu ta resisti awa y cu tin un SPF halto pa proteha bo cuero contra rayonan dañino di UV.

​

Train cu un partner, famia of amigo: Haci movimiento cu otro persona no solamente por ta motivante, pero tambe por ta un medida extra di seguridad, pa asina tin un hende cu por yuda den caso di emergencia relaciona cu calor.